O‘zini yo‘qotish — aslida, o‘zini topa olmaslikdir. Hayot ba’zan bir toshqin bilan keladi. Hamma narsani oqizib yuboradi. Ba’zi umidlar shu toshqinda cho‘kadi, ba’zilari esa shox-shabbalarga ilinib qoladi. Tutgan sari hayotga bog‘lanasan, qalbingda zulmatga darcha ochiladi.

Kitobda insonning ichki kurashi, og‘riqlar ichida ham yashay bilish, dardga qaramay kulish va yarim qolgan his-tuyg‘ular orasida butun baxtni topish haqida samimiy va ta’sirli hikoya qilinadi. Har bir inson o‘ziga yarasha sinovlar bilan kurashadi, ammo eng muhimi — og‘riqqa qaramay tabassum qilishni o‘rganishdir.

Qalbingizni taskin topadigan, o‘ylantiruvchi va ruhiy jihatdan mustahkamlaydigan kuchli asar. Hayotning og‘ir lahzalarida o‘ziga yo‘l topishni istagan har bir inson uchun o‘qilishi zarur kitob.