O‘ZBEK XALQ OG'ZAKI IJODI: MALIKA AYYOR

Xalq og‘zaki ijodi millat ko‘zgusidir. Bu shunday ko‘zguki, unda bir millatning o‘tmishi, kelib chiqishi bor bo‘y-basti bilan gavdalanadi. Bugina emas, biz millatning bugungi ahvolini tahlil qilmoqchi bo‘lsak ham xalq og‘zaki ijodiga yuzlanamiz.

O‘zbek xalq og‘zaki ijodichalik rang-barang, sara va mukammal xazinani topish mahol. Ikkita so‘zdan iborat maqollardan tortib, yuzlab sahifalarni band qilgan dostonlargacha bu xilma-xillikdan bahramand bo‘lishingiz mumkin. Topishmoqlar, chaldirmoqlar, qo‘shiqlar, ertaklar ma’naviy xazinamiz naqadar boyligini ko‘rsatadi. Jahon adabiyoti miqyosida olsak ham, xalq og‘zaki ijodi va mifologiya qayta-qayta murojaat qilinadigan qiziqarli mavzudir.

Biz bir guruh folklorshunos olimlar va nashriyot jamoasi siz kitobxonlarga mana shu xazinani ilinishni maqsad qilganmiz. Zero, o‘zligini, o‘tmishini, qayerdan kelganini anglagan avlodlargina munosib kelajak yaratishga qodirlar.