Ushbu kitob jahon tarixidagi eng mudhish, yovuzligi bilan dunyoni larzaga solgan shaxs, Ikkinchi Jahon urushi alangasini yoqqan Adolf Gitler haqida yozilgan bo‘lib, asarda uning SSSR bilan olib borgan qonli urushi o‘z aksini topgan.

Gitlerning yovuzliklari bilan bir qatorda uning naqadar mohir notiq bo‘lgani, g‘ayrioddiy qobiliyat sohibi ekani ham kitobda baholiqudrat yoritib berilgan. Bu kitob hozirgi zamonda yangidan bosh ko‘tarib kelayotgan neofashizmning oldini olish, uning mohiyatini, asl yuzini ochib berishga qaratilgan. Daholarimiz aytganlari dek: "Haqiqiy odob odobsizdan o‘rganiladi". Ushbu hikmatga asoslanib kitob xalqimizga yaxshigina ibrat manbai bo‘lishidan umidvormiz.