Har bir oila a‘zolari o‘z hayotini asal kabi totli va foydali bo‘lishini istaydi. Bu istakni amalga oshirishda oilaning vakil va vakilalari bir xilda mas‘uldirlar. Ushbu kitob yodimizdan ko‘tarilgan yoki biz bilmagan vazifalarimiz haqida eslatmadir. Shu jihatdan kitob jins tanlamaydi. Uni birgalikda, yostiqdoshingiz, mahramingiz bilan yonma-yon o‘qisangiz, yana ham manfaatli bo‘ladi. Zotan, tan mahramingiz qalb mahramiga aylanishi ham o‘z qo‘lingizda. Yoqimli va manfaatli mutolaa hamrohingiz bo‘lsin.